കാണുക നീയി കാരുണ്യവാനേ കുരിശതിൽ

കാണുക നീയി കാരുണ്യവാനേ കുരിശതിൽ കാൽവറിയിൽ
കേണു കണ്ണീർ തൂകുന്നു നോക്കൂ കാൽവറി മേടുകളിൽ

എന്തൊരു സ്നേഹം എന്തൊരു സ്നേഹം പാപികളാം നരരിൽ
നൊന്തു നൊന്തു ചങ്കുടഞ്ഞു പ്രാണൻ വെടിയുകയായ്

പാപത്താൽ ഘോരമൃത്യു കവർന്ന ലോകത്തെ വീണ്ടീടുവാൻ
ആണിമൂന്നിൽ പ്രാണനാഥൻ കാണുക ദൈവസ്നേഹം;-

ജയിച്ചവനായി വിൺപുരി തന്നിൽ ജീവിക്കുന്നേശുപരൻ
ജയിച്ചിടാം പോരിതിങ്കൽ അന്ത്യത്തോളം ധരയിൽ;-

എന്തിനു നീയി പാപത്തിൻ ഭാര വൻ ചുമടേന്തിടുന്നു
ചിന്തി രക്തം സർവ്വപാപബന്ധനം തീർത്തിടുവാൻ;-