കർത്തൻ തന്ന നൽ വാഗ്ദാനം

കർത്തൻ തന്ന നൽ വാഗ്ദാനം
ആർത്തനാം സഞ്ചാരിക്കായ്
സ്വർഗ്ഗയാത്ര നീളെ നിന്നെ
ഞാൻ നടത്താം എൻ കണ്ണാൽ

ഞാൻ നടത്താം ഞാൻ നടത്താം
ഞാൻ നടത്താം എൻ കണ്ണാൽ
സ്വർഗ്ഗയാത്ര നീളെ നിന്നെ
ഞാൻ നടത്താം എൻ കണ്ണാൽ

പരീക്ഷകളാൽ ജിതനായ്
ധൈര്യമറേറാനായ് തീർന്നാൽ
നിന്നിൽ ധ്വനിക്കെട്ടെൻ വിളി
ഞാൻ നടത്താം എൻ കണ്ണാൽ-ഞാൻ

മുൻകഴിഞ്ഞ കാലത്തോടെ
നിൻ പ്രത്യാശയററീടിൽ
പിന്നെയും കേൾ എൻ വാഗ്ദാനം
ഞാൻ നടത്താം എൻ കണ്ണാൽ-ഞാൻ

അന്ത്യവായുവന്നു ശീഘ്രം
മൃത്യു നേരമാകുമ്പോൾ
നിൻ വിശ്വസ്ഥ നാഥൻ ചൊൽകേൾ
ഞാൻ നടത്താം എൻ കണ്ണാൽ-ഞാൻ