കർത്താവിൻ കരുത്തുള്ള ഭുജം ഒന്നുകാൺമാൻ

കർത്താവിൻ കരുത്തുള്ള ഭുജം ഒന്നുകാൺമാൻ
കർത്താവിൻ തേജസ്സിൻ മുഖം ഒന്നുകാൺമാൻ
കൊതിച്ചിടുന്നേ ഉള്ളം തുടിച്ചിടുന്നേ
വാനിൽ പറന്നു ഞാൻ ഉയർന്നീടുവാൻ(2)

ആത്മാവിൻ ശക്തിയിൻ നിറവെന്നിൽ ആകാൻ
ആ ക്രൂശിന്‍റെ മറവിൽ എൻ അഭയം അതാകാൻ
കൊതിച്ചിടുന്നേ ഉള്ളം തുടിച്ചിടുന്നേ
വാനിൽ പറന്നു ഞാൻ ഉയർന്നീടുവാൻ(2)

വിശ്വസാജീവിതയാത്ര മുന്നേറാൻ
ഈ പാരിലെ പോരിൽ തളർന്നിടാതോടാൻ
കൊതിച്ചിടുന്നേ ഉള്ളം തുടിച്ചിടുന്നേ
വാനിൽ പറന്നു ഞാൻ ഉയർന്നീടുവാൻ(2)

എന്‍റെ കഷ്ടത്തിൻ ചൂളയിൽ കൂടിരുന്നോനെ
രോഗത്തിൽ സൗഖ്യമായ് തേടിവന്നോനെ
കൊതിച്ചിടുന്നേ ഉള്ളം തുടിച്ചിടുന്നേ
വാനിൽ പറന്നു ഞാൻ ഉയർന്നീടുവാൻ(2)

ഈ പാരിലെ കഷ്ടങ്ങൾ നൊടിനേരം മാത്രം
ഞാൻ സന്തോഷിച്ചാർത്തിടുന്നെൻ ഭാവിയെ ഓർത്തു
കൊതിച്ചിടുന്നേ ഉള്ളം തുടിച്ചിടുന്നേ
വാനിൽ പറന്നു ഞാൻ ഉയർന്നീടുവാൻ(2)