കരുതുന്നവൻ കർത്തനല്ലയോ

കരുതുന്നവൻ കർത്തനല്ലയോ
കാക്കുന്നവൻ കരുത്തനല്ലയോ
കലങ്ങേണ്ട മനമേ നീ
കർത്തൻ കരങ്ങളിലല്ലയോ നീ (2)

പ്രതികൂലങ്ങൾ പർവ്വതങ്ങൾ പോൽ
മുന്നിൽ വന്നാലും നീ ഭയപ്പെടേണ്ട (2)
കർത്തനേശു കൂടെയുണ്ടല്ലോ
ജയവീരനായി നടത്താൻ (2)

ഭാവിയോർത്തു നീ ഭാരപ്പെടുന്നോ
ചിന്താഭാരത്താൽ നീ വലഞ്ഞിടുന്നോ (2)
സമർപ്പിക്ക നിന്‍റെ ഭാരങ്ങൾ
ചുമക്കുവാൻ നാഥനുണ്ടല്ലോ (2)

അസാദ്ധ്യങ്ങളെ സാദ്ധ്യമാക്കുന്നോൻ
സദാകാലവും കൂടെയുള്ളതാൽ(2)
സങ്കടങ്ങൾ വേണ്ട തെല്ലുമേ
സന്തോഷത്താൽ പാടിസ്തുതിക്കാം(2)