കൂടെ പാർക്ക നേരം വൈകുന്നിതാ

കൂടെ പാർക്ക നേരം വൈകുന്നിതാ
കൂരിരുളേറുന്ന പാർക്ക ദേവാ
ആശ്രയം വേറില്ലനേരം തന്നിൽ
ആശ്രിത വത്സലാ കൂടെ പാർക്ക

ആയുസ്സാം ചെറുദിനമോടുന്നു
ഭൂസന്തോഷമഹിമ മുങ്ങുന്നു
ചുറ്റിലും കാണുന്നു മാറ്റം കേട്
മാറ്റമില്ല ദേവാ കൂടെ പാർക്ക

രാജരാജൻപോൽ ഭയങ്കരനായ്
സാധുവെ ദർശിച്ചീടരുതെ നിൻ
ചിറകിൻകീഴ് സൗഖ്യവരമോടെ
നന്മ ദയ നല്കി കൂടെ പാർക്ക

ഏകി കഷ്ടതയിൽ സഹതാപം
അപേക്ഷയിൽ മനസ്സലിവോടെ
നിസ്സഹായരിൻ സഹായകനായ്
വന്നു രക്ഷിച്ചു നീ കൂടെ പാർക്ക

സദാ നിൻ സാന്നിദ്ധ്യം വേണം താതാ
പാതകന്മേൽ ജയം നിൻകൃപയാൽ
തുണ ചെയ്യാൻ നീയല്ലാതാരുള്ളു
സന്തോഷ സന്താപേ കൂടെ പാർക്ക

ശത്രു ഭയമില്ല നീയുണ്ടെങ്കിൽ
ലോകക്കണ്ണീരിന്നില്ല കൈപ്പൊട്ടും
പാതാളമേ ജയമെവിടെ നിൻ
മൃത്യുമുൾ പോയ് ജയം കൂടെ പാർക്ക

കണ്ണടഞ്ഞിടുമ്പോൾ നിൻ ക്രൂശിനെ
കാണിക്ക മേൽ ലോകമഹിമയും
ഭൂ മിത്ഥ്യ നിഴൽ ഗമിക്കുന്നിതാ
ഭാഗ്യോദയമായ് നീ കൂടെ പാർക്ക