ക്രൂശിൽനിന്നും പാഞ്ഞൊഴുകീടുന്ന

ക്രൂശിൽനിന്നും പാഞ്ഞൊഴുകീടുന്ന
ദൈവസ്നേഹത്തിൻ വൻകൃപയെ
ഒഴുകിയൊഴുകി അടിയനിൽ
പെരുകേണമേ സ്നേഹസാഗരമായ്

സ്നേഹമാം ദൈവമെ നീയെന്നിൽ
അനുദിനവും വളരേണമേ
ഞാനോ കുറയേണമേ(2)

നിത്യസ്നേഹം എന്നെയും തേടി വന്നു
നിത്യമാം സൗഭാഗ്യം തന്നുവല്ലൊ
ഹീനനെന്നെ മെനഞ്ഞല്ലൊ
കർത്താവിനായ് മാനപാത്രമായ്;-

ലോകത്തിൽ ഞാൻ ദരിദ്രനായിടിലും
നിൻസ്നേഹം മതിയെനിക്കാശ്വാസമായ്
ദൈവസ്നേഹം എന്നെയും ആത്മാവിനാൽ
സമ്പനാക്കിയല്ലോ;-

മായാലോകെ പ്രശംസിച്ചീടുവാൻ
യാതൊന്നുമില്ലല്ലോ പ്രാണനാഥാ
ദൈവസ്നേഹം ഒന്നെയെൻ പ്രശംസയേ
എന്‍റെ ആനന്ദമേ;-