ക്രൂശിൻ നിഴലിൽ നീറും മുറിവിൽ

ക്രൂശിൻ നിഴലിൽ നീറും മുറിവിൽ
മനം പാടി നിൻ സ്തോത്രം
വീഴും വഴിയിൽ താഴും ചുഴിയിൽ
മിഴിതേടി നിൻ രൂപം
ഇടം വലവും ഇരുൾ പെരുകി
ഇല്ല വേറോരാളെന്നെ
ഒന്നു താങ്ങുവാൻ നാഥാ;- ക്രൂശിൽ…

സീയോൻ വഴിയിൽ സ്നേഹം തിരഞ്ഞ്
ഒരുപാട് നീറി ഞാൻ
ഭാരം ചുമന്നും രോഗം സഹിച്ചും
മിഴിനീരു തൂകി ഞാൻ
മുള്ളിൽ കുടുങ്ങി തേങ്ങിക്കരയും
ഒരു പാവമാണേ ഞാൻ
എന്നെത്തിരക്കി തേടി വരുവാൻ
പ്രിയനേശു നീ മാത്രം;- ക്രൂശിൽ…

ന്യായം ശ്രവിക്കാൻ ആളില്ലാതായി
ഞാനെന്‍റെ നാവടക്കി
നീതിലഭിക്കും വേദിയില്ലാതായ്
വിധിയേറ്റു വാങ്ങി ഞാൻ
പിഴ നിരത്തി തോളിൽ ചുമത്താൻ
പ്രിയസ്നേഹിതരും ചേർന്നു
എന്നെ കുരുക്കാൻ തീർത്ത കെണികൾ
പ്രിയനേശു ഭേദിച്ചു;- ക്രൂശിൽ…