ക്രൂശിതനാം എൻ യേശുവെ എനിക്കായ്

ക്രൂശിതനാം എൻ യേശു എനിക്കായ്
അനുവദിച്ച ക്രൂശെ വഹിക്കുന്നു ഞാൻ
എനിക്കെന്‍റെ യേശു മതി എൻ
യേശുവിൻ പാത മതി

നാൾ തോറും എൻ ക്രൂശു വഹിച്ചു ഞാൻ പോകും
നാഥന്‍റെ കാൽപ്പാടുകളിൽ ഞാൻ നടക്കും
ലോകസുഖം വേണ്ടാ ഈ മായാലോകം വേണ്ടാ
ലോകം തരും സ്ഥാനം വേണ്ടാ
നാഥന്‍റെ പാത മതി

പരുപരുത്ത പാറപ്പുറങ്ങളിലൂടെ
കൂരിരുൾ മൂടിയ താഴ്വരകളിലും
പോകും ഞാൻ ഗുരുവിൻ പിൻപേ
മതിയെന്നു ചൊല്ലുവോളം;- ക്രൂശിതനാം…

ഓട്ടം തികക്കേണം എൻ വിളിക്കൊത്തതായ്
നല്ലദാസൻ എന്ന പേർവിളി കേൾക്കണം
ലോകസുഖം വേണ്ടാ ഈ മായാലോകം വേണ്ടാ
ലോകം തരും സ്ഥാനം വേണ്ടാ
നാഥന്‍റെ പാത മതി

പിന്നിൽ നിന്നുയരും തേങ്ങലുകൾക്കോ
മുന്നിൽ എതിരായ് വരും ആയുധങ്ങൾക്കോ;
സാധ്യമല്ലൊരുനാളും എന്നെ
ക്രിസ്തുവിൽ നിന്നകറ്റാൻ;- ക്രൂശിതനാം…