മരണമേ വിഷമെങ്ങു നിന്‍റെ വിജയവുമെവിടെ

മരണമേ വിഷമെങ്ങു നിന്‍റെ വിജയവുമെവിടെ എന്നേശു
മരണത്തെ ജയിച്ചു തനിക്കു സ്തുതി ഹല്ലേലുയ്യാ

തൻകൂശിൽ ഞാനും ഹാ മരിച്ചു നിത്യമാം
ജീവൻ കൈവരിച്ചു തന്നിൽ ഞാൻ സർവ്വവും ലയിച്ചു ഹല്ലേലുയ്യാ

എൻ ജീവൻ ക്രിസ്തുവിൽ ഭദ്രം മനമേ
പാടുക സ്തോത്രം എന്നഭയം തൻ കൃപമാത്രം ഹല്ലേലുയ്യാ

വൃഥാവിലല്ല ഞാൻ ചെയ്യും പ്രയത്നം
ഒടുവിൽ ഞാൻ കൊയ്യും തടയുവാൻ ഇല്ലൊരു കൈയ്യും ഹല്ലേലുയ്യാ

പ്രത്യാശയറ്റവരേപ്പോൽ അല്ല നാം
ക്രിസ്തുവിൽ മരിച്ചോർ ഉയിർക്കും താൻ വരുമപ്പോൾ ഹല്ലേലുയ്യാ

സ്വർലോക കാഹളം ധ്വനിക്കും മരിച്ചോ-
രക്ഷണമുയിർക്കും തൻ തേജസ്സക്ഷയം ധരിക്കും ഹല്ലേലുയ്യാ

എൻ ദേഹം മൺമയമെന്നാൽ ഇനിയും
താൻ വരുമന്നാൾ വിളങ്ങും തേജസ്സിൽ നന്നായ് ഹല്ലേലുയ്യാ