നല്ലിടയൻ എന്നെ കൈവിടില്ല

നല്ലിടയൻ എന്നെ കൈവിടില്ല
ഒന്നിലും എൻ മനം പതറുകില്ല

ഭാരങ്ങൾ വന്നിടും നേരമതിൽ
യേശുവിൻ പാദത്തിൽ ചേർന്നു ചെന്നു
ചൊല്ലിടും എൻ ദുഃഖ വേദനകൾ
ആശ്വസിപ്പിച്ചീടും തൻ മൊഴികൾ;- നല്ലിട…

പ്രതികൂലം അനവധി ഏറിടുന്നേ
ശത്രുവിൻ കെണികളിൽ വീഴാതെ
ചുവടൊന്നു വെയ്പാൻ കൃപ നൽകുക
അതിനുപരി ഞാൻ ചോദിക്കുന്നില്ല;- നല്ലിട…

വിശ്വാസം കാത്തു എൻ ഓട്ടം തികപ്പാൻ
വിളിയിൻ വിരുതിനെ പ്രാപിച്ചിടാൻ
ശക്തിയും കൃപയും നൽകിടണേ
നിൻ സന്നിധി ഞാൻ എത്തും വരെ;- നല്ലിട…