നന്ദിയാലെന്നുള്ളം തുള്ളുന്നേ വല്ലഭാ നിൻ കൃപയോർ

നന്ദിയാലെന്നുള്ളം തുള്ളുന്നേ
വല്ലഭാ നിൻ കൃപയോർക്കുമ്പോൾ
വർണ്ണിച്ചീടാൻ സാദ്ധ്യമല്ലത്
എൻ ജീവിതത്തിൽ ചെയ്ത ക്രിയകൾ(2)

കൊടും പാപിയായിരുന്നെന്നെ
വൻ ചേറ്റിൽ നിന്നും കയറ്റി
ക്രിസ്തുവാകും പാറമേൽ നിർത്തി
പുത്തൻ പാട്ടുമെന്‍റെ നാവിൽ തന്നതാൽ(2)

വൻ ശോധനാ വേളയിൽ
തീച്ചൂളയിൻ നടുവിൽ
ചാരത്തണഞ്ഞു രക്ഷിച്ച
മമ കാന്തനെ നിൻ സ്നേഹമോർക്കുമ്പോൾ(2)

ഈ ലോകം തരാത്ത ശാന്തിയെൻ
ഹൃത്തേ നിറച്ച സ്നേഹമായ്
എന്നെന്നും കാത്തിടുന്നെന്നെ
നിത്യ കാന്തയായ് താൻ കൂടെ വാഴുവാൻ(2)