നന്ദിയോടെ പാടിടാം എൻ യേശുവെ

നന്ദിയോടെ പാടിടാം
എൻ യേശുവെ സ്തുതിക്കാം
മറന്നിടാം ഭൂവിലുള്ളതെല്ലാം
നോക്കിടാം ഉയരത്തിലേക്കായ്

യേശുവേ വിൺതേജസ്സിനാൽ
എന്നെ മറയ്ക്കു അനുദിനവും
ഭൂവിലുള്ളതെല്ലാം മറന്ന്
ഉയരത്തിൽ നോക്കിടട്ടെ
ഹാലേല്ലൂയ്യാ…ഹാലേല്ലൂയ്യാ(2)

ലോകസുഖം പിന്നിൽ മറന്നിടാം
പുതുജീവൻ നാം പ്രാപിച്ചിടാം
യേശുവിൻ സ്നേഹത്തെ ധരിച്ചിടാം
ഉയരത്തിലെ വാസം വാഞ്ചിച്ചിടാം;-

യേശുവിൻ ഭാവത്തിൽ വളർന്നിടാൻ
ക്രൂശിന്‍റെ പാതെ നാം ഗമിച്ചിടാം
യേശുവിൻ സാക്ഷികൾ ആയിടാം
ഉയരത്തിലെ വാസം ആശിച്ചിടാം;-

യേശുവിൻ താഴ്മയെ ധരിച്ചു നാം
ഉന്നത ജയത്തിനായ് ഓടിടാം
യേശുവിൻ മാർവ്വതിൽ ചേർന്നു നാം
കർത്തൻ വരവിനായ് ഒരുങ്ങിടാം നാം;-