നാഥാ നിൻ നാമം എത്രയോ ശ്രേഷ്ഠം

നാഥാ നിൻ നാമം എത്രയോ
ശ്രേഷ്ഠം മഹോന്നതം
സൗരഭ്യം തൂകും തൈലം പോൽ
രമ്യം മനോഹരം

താവക നാമം പാപിക്കു
നല്കുന്നു സാന്ത്വനം
സ്വൈര്യനിവാസം കണ്ടതിൽ
മേവുന്നു നിൻ ജനം

നിന്നെയുൾത്താരിൽ ഓർക്കയെൻ
ഉള്ളതു കൗതുകം
ധന്യമെൻ കൺകൾ കാണുകിൽ
നിൻ തൃ-മുഖാംബുജം

നിൻ ആത്മസാന്നിധ്യം തുലോം
ആശ്വാസ കേതുകം
ദൃശ്യ സംസർഗം വിശ്രമം
മാമക വാഞ്ചിതം

ദുഃഖിതരിൻ പ്രത്യാശ നീ
പാപികൾക്കാശ്രയം
സാധുക്കളിൻ സന്തോഷവും
നീ താൻ നിസംശയം

വിസ്മയം നീ ഈ സാധുവേ
സ്നേഹിച്ചതീ ദൃശ്യം
സ്നേഹിക്കും ആയുരന്തം ഞാൻ
നിന്നെ അന്യാദൃശ്യം

സ്നേഹ പയോനിധേ കൃപാ
സാഗരമേ സ്തവം
യേശുമഹേശ തേ ബഹു
മാനം സമസ്തവും