നീ എന്‍റെ രാജൻ വാഴ്ത്തുന്നു

നീ എന്‍റെ രാജൻ വാഴ്ത്തുന്നു
മഹത്വം നിനക്കു കരേറ്റുന്നു
നിൻ മുൾക്കിരീടം ഓർമ്മിക്കാൻ
നടത്തെന്നെ ക്രൂശിങ്കിൽ

നിൻ ഗത്സമനാ ഭാരവും
നീ പോയതായ പാതയും
മഹൽ സ്നേഹം മറക്കാതിരിപ്പാൻ
നടത്തെന്നെ ക്രൂശിങ്കൽ(2)

ചൊരിഞ്ഞു നിൻരുധിരം ക്രൂശിന്മേൽ
അനന്തമാം പാപത്തെ പോക്കാനായ്
മരണത്തിൻ പങ്കാളിയാകുവാൻ
നടത്തെന്നെ ക്രൂശിങ്കൽ;- നിൻ…

മരണത്തെ ജയിച്ചു ജയവീരൻ
തിരുവചനത്തിനു നിവൃത്തി വന്നു
തുറന്ന കല്ലറയെ ഓർമ്മിക്കാൻ
നടത്തെന്നെ ക്രൂശിങ്കൽ;- നിൻ…

സമർപ്പിക്കുന്നടിയൻ തിരുമുമ്പിൽ
നാൾതോറും ക്രൂശ് ചുമക്കാനായ്
ചൊരിക നിൻഅഗ്നി എൻനാവിൻമേൽ
നിൻ ക്രൂശിനെ ഘോഷിക്കാൻ;- നിൻ…