നീറിടും വേളയിൽ കണ്ണുനീർ മായിക്കും

നീറിടും വേളയിൽ കണ്ണുനീർ മായിക്കും
കഷ്ടതയിൽ സ്വാന്തനമേകിടും (2)
നിന്‍റെ സന്തോഷത്തെ ശത്രു അടക്കുമ്പോൾ
താളടിയാകാൻ നാഥൻ സമ്മതിക്കില്ല(2)

ജീവിതത്തിൽ നീ ഏകനായാലും
കാരാഗ്രഹത്തിൽ അടയ്ക്കപ്പെട്ടാലും (2)
രോഗത്തിനു നീ അടിമയായാലും;
സാരമില്ല കർത്തൻ കൂടെയുണ്ട്;-

അനുകൂലമായ് ഒന്നുമില്ലെങ്ങിലും
കൂട്ടുകാർ നിന്നെ നിന്ദിച്ചാലും (2)
വീട്ടുകാർ നിന്നെ അറിഞ്ഞില്ലെങ്ങിലും;
സാരമില്ല കർത്തൻ കൂടെയുണ്ട്;-

മരുവിൽ ഉറവ നിനക്കായ് തുറന്നിടും
അടഞ്ഞ വഴികൾ തുറന്നീടുമെ (2)
ദുഃഖത്തെ സന്തോഷമാക്കിയോൻ എന്നും;
കൂടെയുണ്ട് ഭയം വേണ്ടിനിയും;-

നാളയെ ഓർത്തിനി കരഞ്ഞിടേണ്ട
ഉ?വരെ ഓർത്തു വിലപിക്കേണ്ട (2)
നിന്നെ മെനഞ്ഞോൻ നിന്നെ കാണുന്നോൻ;
നിനക്കായ് നന്മ ഒരുക്കിട്ടുണ്ട്;-