നീയാണപ്പാ എന്നെ കരുതുന്നത്

നീയാണപ്പാ എന്നെ കരുതുന്നത്
നിന്റേത് മാത്രമാണിന്നുമെന്നും(2)

ഈ പാരിലെൻ ജിവിത വഴിയിൽ
കൊടും ആകുലമേറി ഞാനുലയും(2)
നീ മാത്രമാണെന്‍റെ ജീവിത നായകൻ
നിന്റേത് മാത്രമാണിന്നുമെന്നും(2)

കണ്ണീരിൽ കുതിർന്ന് ഞാൻ കേഴും
എന്‍റെ വേദന നിന്നോട് ചൊല്ലും(2)
നീ മാത്രമാണെന്‍റെ ആശ്വാസദായകൻ
നിന്റേത് മാത്രമാണിന്നുമെന്നും(2)

ഏതു രാവിലും പകലിലും പാടാം
നിന്‍റെ കരുണയെ എന്നെന്നുമോർക്കാം(2)
നിൻ നാമം കീർത്തിക്കാം നിന്നെ ഉയർത്തീടാം
നിന്റേത് മാത്രമായ് ജീവിച്ചിടാം(2)