നീയൊഴികെ നീയൊഴികെ ആരുമില്ലീശോ

നീയൊഴികെ നീയൊഴികെ ആരുമില്ലീശോ!
സ്നേഹമയമേ! വിശുദ്ധി നീതിനിറവേ

നീയെൻ രക്ഷ നീയെൻ ബന്ധു നീ എനിക്കാശ
നീ എൻ സ്വന്തമായി വന്നതെൻ മഹാഭാഗ്യം;- നീ..

എന്നും എങ്ങും യേശു നീ എന്നോടു കൂടവേ
അന്നിരുന്ന ശക്തി കൃപയോടു വാഴുന്നേ;- നീ…

ജീവനേക്കാൾ നീ വലിയോൻ ആകുന്നെനിക്കു
ഭൂവിലറിവാൻ നിനക്കു തുല്യം മറ്റില്ലേ?;- നീ…

തന്നു സർവ്വവും എനിക്കുവേണ്ടി നീയല്ലോ?
നിന്നരുമ നാമം അടിയാനു സമസ്തം;- നീ…

5. മംഗലമേ! എൻ ധനമേ! ക്ഷേമദാതാവേ!
ഭംഗമില്ലാ ബന്ധുവേ മഹാ ശുഭവാനേ!;- നീ…

Post Tagged with lyrics malayalam