നിൻ സാന്നിധ്യത്താൽ എന്നെ പൊതിഞ്ഞീടുക

നിൻ സാന്നിധ്യത്താൽ എന്നെ പൊതിഞ്ഞീടുക
നിന്നിൽ ഞാൻ പുതു സൃഷ്ടിയായ് മാറിടുവാൻ
എന്നിൽ യേശുവിനെ ലോകം കണ്ടിടുവാൻ
തിരുകൃപയാൽ എന്നെ നിറക്കേണമേ

നാഥാ നീയെൻ ഓഹരിയായിടുന്നു
നാഥാ നീയെൻ സന്തോഷമായിടുന്നു
കഷ്ടകാലത്തിലും നല്ല തുണയായി നീ
എന്‍റെ ശാശ്വത പരിചയും നീ യേശുവേ

ഓരോ നിമിഷവും ഞാൻ നിന്‍റെ തണലിൽ നിൽപ്പാൻ
നിൻ പാദത്തിൽ ഇരിപ്പാൻ
എൻ ജീവനെ ഞാൻ അർപ്പിച്ചീടുന്നിതാ
തിരുഹിതം പോൽ നിൻ വഴികളിൽ നടന്നീടുവാൻ;-

നിന്‍റെ ഒരു സ്പർശനം എന്നെ മാറ്റീടുമേ
നിന്‍റെ ഒരു സ്വാന്തനം എന്നിൽ ബലമേകുമേ
നിന്‍റെ അഭിഷേകം എന്നിൽ പെയ്തിറങ്ങുവാൻ
തിരുസാന്നിദ്ധ്യത്താൽ നാഥാ നിറച്ചീടുക എന്നെ;-