ഞാൻ വിളിച്ചപേക്ഷിച്ച നാളിൽ നീ എനിക്കുത്തരം

ഞാൻ വിളിച്ചപേക്ഷിച്ച നാളിൽ
നീ എനിക്കുത്തരം നൽകി
എന്‍റെ ഉള്ളിൽ ബലം നൽകി
എന്നെ ധൈര്യപ്പെടുത്തി
എൻ വഴി കുറവു തീർത്തു

കഷ്ടങ്ങൾ തീർന്നീടാറായ്
പ്രതിഫലം ലഭിക്കാറായ്
എൻ സാക്ഷി അങ്ങു സ്വർഗ്ഗത്തിലും
എൻ ജാമ്യക്കാരൻ ഉയരത്തിലും

എണ്ണുന്നെൻ ഉഴൽച്ചകളെ
കണ്ണുനീർ തുരുത്തിയിലും
നിന്‍റെ പുസ്തകത്തിലവ
എഴുതിയിരിക്കയാൽ
ഒന്നിലും ഭയപ്പെടില്ല;- കഷ്ടങ്ങൾ

യഹോവ എൻ പരിപാലകൻ
വലഭാഗത്തെന്നും തണലും
പകൽ സൂര്യനെങ്കിലും
രാത്രി ചന്ദ്രനാകിലും
ഒന്നും എന്നെ ബാധിക്കയില്ല;- കഷ്ടങ്ങൾ

ആറു കഷ്ടം കഴിയും
ഏഴാമത്തേതിലും കാക്കും
തിൻമ തൊടാതവൻ
നൻമയാൽ കാത്തിടും
വൻ കൃപയിൽ ദിനവും;- കഷ്ടങ്ങൾ