പാടാം പാടാം പാടാം നാം പുത്തൻ പാട്ടുകൾ

പാടാം പാടാം പാടാം നാം
പുത്തൻ പാട്ടുകൾ പാടാം
നമ്മെപ്പോലെ നന്മലഭിച്ചവർ
മന്നിതിലില്ലല്ലോ

ശിക്ഷകൾ പോയല്ലോ നാം
രക്ഷിതരായല്ലോ വിമോചിതരായല്ലോ
ശിക്ഷായോഗ്യർ
ദൈവത്തിന്നവകാശികളായല്ലോ;-

പാപച്ചേറ്റിൽ നാം ഹാ
വീണു വലഞ്ഞപ്പോൾ നാം താണു കരഞ്ഞപ്പോൾ
പാവനനാം ശ്രീയേശു നമ്മെ
താങ്ങിയെടുത്തല്ലോ;-

എത്തിപ്പോകാത്ത നൽ
ഉത്തമസമ്പത്ത് നാം കാണും സ്വർഗ്ഗത്തിൽ
പുത്തൻപാട്ടിൻ പല്ലവി നിത്യത
മുഴുവൻ പാടും നാം;-