പാപ ശാപ ഘോര മൃത്യുവിന്നടിമയായ്

പാപ ശാപ ഘോര മൃത്യുവിന്നടിമയായ്
തീർന്ന പാപിയെന്നെ വീണ്ടെടുത്തവൻ

ദോഷ വ്യാകുലാധിയാൽ വലഞ്ഞ ദീനനാം
ശാപ പാത്രമായ് ഭവിച്ച ക്ഷീണനാമെന്നെ
താണിറങ്ങി വന്നു തേടി മാറിലണച്ച്
മാററമില്ലാ സ്നേഹത്തെ ഞാൻ വാഴ്ത്തിടും;- പാപ…

ഇത്രമാത്രം സ്നേഹമേകി എന്നെ വീണതാൽ
എത്ര നാളീ പാഴൂരുവിൽ ലഭ്യമാകുമോ
നാൾ മുഴുവൻ എന്നെ വീണ്ടെടുത്ത സ്നേഹത്തെ
വാഴ്ത്തിടും ഞാൻ വേറില്ലാശയൊന്നുമേ;- പാപ…

ക്ലേശമേറുമീമരുവിൽ ലേശം കൂസിടാ-
തോടുമെന്‍റെ നാടിനായ് ഞാൻ നോക്കിപ്പാർത്തതാം
ഘോരമാഴിയിന്നലമുറിച്ചു നീന്തി ഞാൻ
ശോഭനമാം നാട്ടിലെത്തിപ്പാർത്തിടും;- പാപ…

കോടി കോടി ദൂതരിൻ നടുവിൽ വെച്ചു ഞാൻ
വീണമീട്ടി പാടിടും നൽ തോത്രഗാനങ്ങൾ
എന്‍റെ താഴ്ചയിൽ എന്നെ ഓർത്ത നാഥനേ
നിന്‍റെ ദയ എത്രമാത്രം ശ്രേഷ്ടമേ;- പാപ…