പാപീ ഉണർന്നു കൊൾക നീ നിദ്രയിൽനിന്നു

പാപീ ഉണർന്നു കൊൾക നീ നിദ്രയിൽനിന്നു
പാപീ ഉണർന്നു കൊൾക നീ

വലിയനാശം വന്നിടും കളിപ്പാൻ സമയമില്ല
ചെലവു ചെയ്യരുതേ നീ വിലയില്ലത്തതിന്നായി;-

കടലിൻ ഇരച്ചൽപോലെ ഇടിമുഴക്കം പോലെയും
വിധിനാളിൻ ഭയങ്കരം അടുത്തടുത്തു വരുന്നു;-

നിന്‍റെ വഴികളെയും അന്തർഭാഗങ്ങളെയും
തന്‍റെ തുലാസിൽ ദൈവം സന്തതം തൂക്കിടുന്നു;-

സത്യമാർഗ്ഗത്തിലേക്കും നിത്യരക്ഷയിലേക്കും
മർത്യനാകുന്ന നിന്നെ കർത്തൻ വിളിച്ചിടുന്നു;-

നരകാഗ്നിയിൻ ജ്വാലയ്ക്കു ഇരയായ് പോകാതിരിപ്പാൻ
പരനോടു യോജിക്കുക കരുണ കണ്ടെത്തുവാനായ്;-

ഉറക്കം തൂങ്ങരുതിനി തുറക്ക വേഗം നിൻ കൺകൾ
വെറുതേ കളയരുതേ ചുരുക്കമാംരക്ഷാകാലം;-