പരിശുദ്ധാത്മാവാം ദൈവം നടത്തീടുന്നെന്നെ

പരിശുദ്ധാത്മാവാം ദൈവം നടത്തീടുന്നെന്നെ
അനുദിനം അവൻ വഴിയിൽ
അവൻ വസിച്ചിടുന്നെന്നുമെന്നിൽ
അവൻ മന്ദിരം എൻ ശരീരം
എന്‍റെ ആശ്വാസദായകൻ കൂടെയുണ്ട്
എന്നെ അനാഥനായ് വിടുകയില്ല

സത്യവചനങ്ങളെന്‍റെയുള്ളിൽ
നിത്യമേകി നടത്തിടുന്നു
ശക്തി നൽകിടുന്നു സ്നേഹം പകർന്നിടുന്നു
സത്യസാക്ഷിയായ് ജീവിക്കുവാൻ;- പരി…

ശത്രുശക്തിയ വെന്നിടുവാൻ
കർത്തൃസേവയിൽ മുന്നേറുവാൻ
ശക്തി തന്നിടുന്നു ബുദ്ധിതന്നീടുന്നു
നിത്യം ജയത്തോടെ വാണിടുന്നു;- പരി…

പ്രാർത്ഥിപ്പാനെന്നെ തുണച്ചിടുന്നു
ശാന്തിയേകിടുന്നെന്‍റെ ഉള്ളിൽ
നീതിബോധം നൽകി എന്നെ നടത്തിടുന്നു
ശുദ്ധീകരിച്ചീടുന്നെന്നെ എന്നും;- പരി…