പത്തുകമ്പി വീണയോടെ ചേർന്നു പാടാം

പത്തുകമ്പി വീണയോടെ
ചേർന്നു പാടാം യേശുവിന്
കാൽവറിയിലെൻ പാപം പോക്കാൻ
പാഞ്ഞൊഴുകി തിരുനിണം

എത്ര നാൾ ലോക മൃത്യുപാതേ
തത്രപെട്ടോടി ഞാൻ വൃഥാവായ്
മായ ലോകം വേണ്ടെനിക്കിനി
മൽപ്രാണപ്രിയന്‍റെ പാതമതി;-

എത്രയെത്ര ശുദ്ധർ ഗണം
പട്ടുപോയി ഈ പോർക്കളത്തിൽ
വീണിടാതെ ഓട്ടം തികപ്പാൻ
താങ്ങിടണേ തൃക്കൈകളിൽ;-

അല്ലൽ തിങ്ങിടുമീ മരുവിൽ
ആശ വിടാതെ യാത്ര തുടരാം
കണ്ണിൻ മണിപോലേശു നാഥൻ
കരത്തിലൻപായ് താങ്ങിടും;-

മുൾമുടി ചൂടി യെരുശലേമിൻ
വീഥിയിലൂടെ നടന്ന നാഥൻ
പൊന്നിൻ കിരീടം ചൂടിയൊരുനാൾ
രാജാധി രാജാവായി വന്നീടുമേ;-

മുത്തുമണിമയ വിൺപുരിയിൽ
പളുങ്കു നദിയുടെ തീരത്ത്
ജീവവൃക്ഷഫലം ഭുജിപ്പാൻ
കാലമായ്-ഹല്ലേലുയ്യാ;-