ഫലമില്ലാ മരമേ നിൻ ചുവട്ടിൽ കോടാലി ചെലവിടും

ഫലമില്ലാ മരമേ നിൻ ചുവട്ടിൽ കോടാലി
ചെലവിടും മുമ്പെ നീ ഫലം തന്നാൽ കൊള്ളാം

ഇലയല്ലാതൊരു ചെറുകനിപോലുമില്ല
ഇലകൊണ്ടു ഗുണമെന്ത് നിലവും നിഷ്ഫലമേ

കിളച്ചു നിൻ ചുവടെല്ലാമിളക്കി നന്നാക്കി
കള നീക്കി വളമിടുന്നോരു കൊല്ലം കൂടെ

ബലമില്ലാ കൊമ്പുകൾ ഖണ്ഡിക്കപ്പെട്ടു
ഫലമില്ലാതഗ്നിയിൽ പതിക്കും നാൾ വരുന്നേ

ഫലമില്ലാ മരത്തിനുഭവിച്ചതെന്തോർക്ക
വലിയ ശാപമതിനു കൊടുത്തേശുമശിഹ

ഗലാത്യലേഖനം അഞ്ചിരുപത്തിരണ്ടിൽ
പൗലോസു പറയുന്ന ഫലം നമ്മിൽ വേണം

സ്നേഹം സമാധാനം ദീർഘക്ഷമയും
ഇത്യാദിയാം ഫലം ഏകണം മേന്മേൽ