പുകഴ്ത്തിടാം പുകഴ്ത്തിടാം കരുണേശനാം

പുകഴ്ത്തിടാം പുകഴ്ത്തിടാം
കരുണേശനാം പൊന്നേശുവിനെ
വാഴ്ത്തിടാം സതതം

ചേതം വരാതെന്നും താങ്ങി നമ്മെ
ജീവൻ സുഖം ബലം നൽകി നാന്നായ്
കൺമണിപോൽ കാവൽ ചെയ്താർ-ഹൃദി
നന്ദിയോടവനെ സ്തുതിക്കാം

വൈരിഗണം ബലമോടെതിർക്കും
നേരമെല്ലാം ചിറകിൻ നിഴലിൽ
നൽകി സങ്കേതം നാളെല്ലാം – അതി
മോദമായ് സ്തുതി ചെയ്യുക നാം

ആനന്ദ രൂപനാം യേശുദേവാ
ദാസരിൽ നിൻ കൃപ പകരേണമെ
ജ്ഞാനസമ്പൂർണ്ണരായ് ഈ ഭൂവിൽ
ദീപമായ് നിത്യവും ജ്വലിപ്പാൻ

മേലോക വാഞ്ചയുള്ളിൽ വളരാൻ
പാരിതിൽ ജയമായ് നടന്നിടുവാൻ
ആവിയിൻ നിറവാലാനന്ദിപ്പാ-
നാശിഷം നമുക്കേകിയതാൽ

ആർപ്പോടെ നാം സ്തുതി ചെയ്തീടുവോം
ഗീതങ്ങൾ പാടിടാം മോദമോടെ
ചേരുക നാമെല്ലാരും തൻ ജയ
നാമമേറ്റുക ഭൂവിലെങ്ങും