രാത്രിയിൻ കാലങ്ങൾ തീർന്നിടാറായ്

രാത്രിയിൻ കാലങ്ങൾ തീർന്നിടാറായ്
പകലേറ്റം നമുക്കിങ്ങടുത്തിടാറായ്

ഇരുളിൻ ക്രിയകൾ വിട്ടോടി നാം
വെളിച്ചത്തിൻ ആയുധം ധരിച്ചും കൊണ്ട്
പുത്തനെറുശലേം വാസികളായി നാം
കർത്തനോടെന്നും വാണിടുമെ;- രാത്രി…

ചതഞ്ഞ ഓട ഒടിച്ചിടാത്തോൻ
പുകയും തിരിയെ കെടുത്തിടാത്തോൻ
ന്യായവിധി ജയത്തോളം നടത്തുന്നോൻ
ജാതികൾ പ്രത്യാശ വെച്ചിടുന്നോൻ;- രാത്രി…

ക്രിസ്തുവത്രെ എന്നിൽ ജീവിക്കുന്നു
ക്രിസ്തുവിലേകമായ് ക്രൂശിച്ചതാൽ
കർത്തൻ തൻ മഹിമയിൽ വലഭാഗമെനിക്കുണ്ട്
കൈപ്പണിയല്ലാത്ത ഭവനമുണ്ട്;- രാത്രി…