സങ്കടത്തിൽ പരൻ കരങ്ങളാൽ താങ്ങിടുമെ

സങ്കടത്തിൽ പരൻ കരങ്ങളാൽ താങ്ങിടുമെ
സംഭ്രമത്തിൽ തുണ നിന്നവൻ നടത്തിടുമെ

തിരു നിണം ചൊരിഞ്ഞു മരണത്തിൻ കരങ്ങളിൽ
നിന്നെന്നെ വീണ്ടെടുത്തു
പുതുജീവൻ തന്നു അനുഗ്രഹം പകർന്നു
സ്വർഗ്ഗത്തിലിരുത്തിയെന്നെ;-

തിരകളെൻ ജീവിതപ്പടകിൽ വന്നടിച്ചാൽ
പരിഭ്രമമില്ലെനിക്കു
അലകളിൻമീതെ നടന്നൊരുനാഥൻ
അഭയമായുണ്ടെനിക്ക്;-

അവനെന്നെ ശോധന ചെയ്തിടുമെങ്കിലും
പരിഭവമില്ലെനിക്കു
തിരുഹിതമെന്താ-ണതു വിധമെന്നെ
നടത്തിയാൽ മതിയെന്നും;-

ഒടുവിലെൻ ഗുരുവിൻ അരികിൽ തൻ മഹസ്സിൽ
പുതുവുടൽ ധരിച്ചണയും
കൃപയുടെ നിത്യ ധനത്തിന്‍റെ വലിപ്പം
പൂർണ്ണമായ് ഞാനറിയും;-