സാറാഫുകൾ ആരാധിക്കും

സാറാഫുകൾ ആരാധിക്കും
പരിശുദ്ധനെ ആരാധിക്കുന്നേ
ആർത്തുപാടും ദൂതർ മദ്ധ്യത്തിൽ
സാധു ഞാനും ആരാധിക്കുന്നേ

പാദങ്ങൾ മൂടി മുഖം മറച്ച്
പറന്നവർ ആരാധിക്കുമ്പോൾ
വിശ്വാസ കണ്ണാൽ പ്രിയൻ മുഖത്തെ
നോക്കി ഞാനും ആരാധിക്കുന്നേ

അശുദ്ധമാം എൻ അധരങ്ങളും
ശുദ്ധിയില്ലാ എൻ നാവിനെയും
തൊട്ടീടുക നിൻ ആത്മാവാകും
തീക്കനലിനാൽ ശുദ്ധീകരിക്ക

മുഴങ്ങിടുന്നു ദൈവ ശബ്ദം
ആരെ ഞാനിന്നയക്കേണ്ടു
അടിയനിതാ അയക്കേണമെ
സമർപ്പിക്കുന്നെൻ സർവ്വസ്വവും ഞാൻ