സൗന്ദര്യത്തിന്‍റെ പൂർണ്ണതയാകുന്ന സീയോനിൽ

സൗന്ദര്യത്തിന്‍റെ പൂർണ്ണതയാകുന്ന സീയോനിൽ
നിന്നും പ്രകാശിക്കുന്നോനെ പ്രഭാതത്തിൽ സ്തുതിക്കുന്നേ

തേൻമൊഴി തൂകുന്ന നിന്‍റെ പൊന്മുഖം കാണ്മാൻ
അതിരാവിലെ ഉണർന്നെഴുന്നു തിരുനാമത്തെ സ്തുതിക്കുന്നേ

അന്ധകാരംകൊണ്ടു മൂടപ്പെട്ട ലോകത്തിൽ എന്നെ
വീണ്ടെടുത്ത രക്ഷിതാവേ ദിനം മുഴുവൻ സൂക്ഷിക്ക;-

രാമുഴുവൻ മാർവ്വിലെന്നെ കാത്ത കൃപയ്ക്കായ്
ആനന്ദഗീതങ്ങളാലെ തൃപ്പാദങ്ങൾ നമിക്കുന്നേ;-

ഈ പകലെൻ ജീവിതത്തിൽ തെറ്റുവരാതെ
രക്തത്താലെ സൂക്ഷിച്ചെന്നെ തൃക്കരത്താൽ താങ്ങണേ;-

ജയകരമാം ജീവിതം ഞാൻ ചെയ്തിടുവാനായ്
അധികാരമുള്ളേശുവിന്‍റെ തിരുമാർവ്വിൽ ഞാൻ ചാരുന്നേ;-

യാഗം കഴിച്ചു നിയമം ചെയ്ത ശുദ്ധന്മാർ
നാലാം യാമത്തിലുണർന്നവർ മോദമോടെ വാഴ്ത്തുന്നു;-