സീയോൻ സഞ്ചാരികളെ ആനന്ദിപ്പിൻ കാഹള

സീയോൻ സഞ്ചാരികളെ ആനന്ദിപ്പിൻ
കാഹളധ്വനി വിണ്ണിൽ കേട്ടിടാറായ്
മേഘത്തിൽ നമ്മെയും ചേർത്തിടാറായ്

ആയിരമായിരം വിശുദ്ധരുമായ്
കാന്തനാം കർത്താവു വന്നിടുമേ
ആർത്തിയോടവനായ് കാത്തിടാമേ;-

നാസ്തികരായ് പലരും നീങ്ങിടുമ്പോൾ
ക്രൂശിന്‍റെ വൈരികളായിടുമ്പോൾ
ക്രൂശതിൻ സാക്ഷ്യങ്ങളോതിടാമേ;-

വാനഗോളങ്ങളെല്ലാം കീഴ്പ്പ‍െടുത്താൻ
മാനവരാകവേ വെമ്പിടുമ്പോൾ
വാനാധിവാനമെൻ അധിവാസമേ;-

ജാതികൾ രാജ്യങ്ങളുണർന്നിടുന്നേ
യൂദർ തൻ രാഷ്ട്രവും പുതുക്കിടുന്നേ
ആകയാൽ സഭയേ നീ ഉണർന്നിടുക;-

തേജസ്സിൻ പുത്രരെ കണ്ടിടുവാൻ
സൃഷ്ടികളേകമായ് ഞരങ്ങിടുമ്പോൾ
ആത്മാവിലൊന്നായ് നാം ഞരങ്ങിടാമേ;-

വാഗ്ദത്തം അഖിലവും നിറവേറുന്നേ
സീയോനിൽ പണി വേഗം തീർന്നിടുമേ
തേജസ്സിൻ കാന്തനും വെളിപ്പെടുമേ;-