ഉണർവരുൾക ഇന്നേരം ദേവാ ആത്മ

ഉണർവരുൾക ഇന്നേരം ദേവാ
ആത്മ തേജസ്സിനാലേ മേവാൻ
ഈയുഗാന്ത്യവേളയിൽ വാനിൽ നിന്നു ഞങ്ങളിൽ

താവക തൂമുഖത്തിൻ ദർശനം ദാസരിൽ നൽകുക
ദൂതവൃന്ദം സാദരം വാഴ്ത്തിടും ആശിഷദായകാ
ഹല്ലേലുയ്യാ പാടുവാൻ അല്ലൽ പാടേ മാറുവാൻ
ദയ തോന്നണമേ സ്വർഗ്ഗതാതാ;-

ആണ്ടുകൾ ആകവെ തീർന്നിടും ആയതിൻ മുന്നമേ
നാഥാ നിൻ കൈകളിൻ വേലയെ ജീവിപ്പിക്കേണമേ
നിന്നാത്മാവിലാകുവാൻ നിത്യാനന്ദം നേടുവാൻ
കൃപയേകണമേ സ്വർഗ്ഗതാതാ;-

ആദിമസ്നേഹവും ജീവനും ത്യാഗവും മാഞ്ഞുപോയ്
ദൈവവിശ്വസമോ കേവലം പേരിനു മാത്രമെ
വന്നാലും നിന്നാലയെ തന്നാലും ജീവാവിയെ
തിരു വാഗ്ദത്തംപോൽ സ്വർഗ്ഗതാതാ;-

കാഹളനാദവും കേൾക്കുവാൻ ആസന്നകാലമായ്
വാനിൽനീവേഗത്തിൽശോഭിക്കും ആത്മമണാളനായ്
നിൻ വരവിൻ ലക്ഷ്യങ്ങൾ എങ്ങുമേ കാണുന്നിതാ
ഒരുക്കീടേണമേ സ്വർഗ്ഗതാതാ;-