ആനന്ദം ആനന്ദം ആനന്ദമേ

ആനന്ദം ആനന്ദം ആനന്ദമേ
ആരും തരാത്ത സമാധാനമേ
അരുമ നാഥൻ എന്റെ അരികിലുണ്ടേ
അതുമതി അടിയനീ മരുയാത്രയിൽ

തന്നരികിൽ എന്നും മോദമുണ്ട്
ആനന്ദത്തിൻ പരിപൂണ്ണതയും
മാനരുവി തിരഞ്ഞീടുന്നപോൽ
ഞാനവൻ സന്നിധി കാംക്ഷിക്കുന്നു

നല്ലവൻ താനെന്ന് രുചിച്ചറിഞ്ഞാൽ
ഇല്ലൊരു ഭാരവുമീയുലകിൽ
തൻ ചുമലിൽ എല്ലാം വച്ചിടും ഞാൻ
താൻ ചുമടാകെ വഹിച്ചിടുവാൻ

അന്ത്യം വരെ എന്നെ കൈവെടിയാ-
തന്തികെ നിന്നിടാമെന്നു ചൊന്ന
തൻ തിരുമാറിടമെന്നഭയം
എന്തിനെനിക്കിനി ലോകഭയം