ആശ്രയം യേശുവിലെന്നാൽ മനമേ

ആശ്രയം യേശുവിലെന്നാൽ മനമേ നിന
ക്കാശ്വാസമായിടും ആയുസ്സെല്ലാം
ആശ്രയിച്ചീടുന്നവർക്കനുദിനമഭയമ
നവഗണിച്ചീടുകയില്ലവനവരെ

മനുഷ്യനിലാശ്രയിച്ചാലനിശം നിരാശയല്ലാ
തോരു സുഖം മനസ്സിനുണ്ടായിടുമോ
യേശുവിലാശ്രയിച്ചാലേതു വിഷാദമീ ഭൂ
വാസത്തിൽ വന്നാലും നിരാശയില്ലാ;-

ആശ്രയം…

അവനെ നീ രുചിക്കുക ശരണമായ് കരുതുക
ദിനവും നിൻ ചുമടുകളവന്മേൽ വയ്ക്ക
അവനുടെ ചുവടുകൾ പതിഞ്ഞിടം നോക്കി നിന്‍റെ
ചുവടുകൾ പതിച്ചു നീ നടന്നുകൊൾക;-

ആശ്രയം…

മരിച്ചു മണ്മറയുന്ന മനുജന്‍റെ മഹിമയിൽ
മയങ്ങുമോ മഹിയിതിൽ മതിയുള്ളവർ
മരിച്ചുയിർത്തേശുവിന്റെ മഹിമ നീ കണ്ടുകൊൾക
മടുത്തുപോകല്ലവനോടടുത്തു കൊൾക;-

ആശ്രയം…

അവനുടെ വലിപ്പവും മഹത്വവുമിന്നനേകർ
അറിയുന്നില്ലെങ്കിലും താൻ വരുമൊരുനാൾ
ആദരിച്ചവരുമനാദരിച്ചവരുമാ-
രേന്നതു വെപ്പെടുമാടുമാ ദിനത്തിൽ;-

ആശ്രയം…