Collection of Christian Songs and Lyrics Download Now!!!

Close Icon
   
Contact Info    

ആശ്വാസമായ് എനിക്കേശുവുണ്ട്

ആശ്വാസമായെനിക്കേശുവുണ്ട്
ആശ്രയിപ്പാനവൻ കൂടെയുണ്ട്
ആകയാൽ ജീവിതഭാരമെനിക്കില്ല
ആകുലമൊന്നുമില്ല

കാൽവറി ക്രൂശിലെൻ ജീവനാഥൻ
കാൽകരമാണി തുളച്ച നേരം
എന്നെയാണോർത്ത തെന്നോർക്കുമ്പോഴെന്നുള്ളം
കത്തുന്നു സ്നേഹാഗ്നിയാൽ

സ്നേഹിച്ചു ജീവൻ വെടിഞ്ഞ നാഥൻ
സ്നേഹിച്ചിടുമെന്നെ നിത്യകാലം
തന്റെ ഹൃദയത്തിൽ വേദനയേകുന്നതൊന്നും
ഞാൻ ചെയ്തിടുമോ?

സ്വന്തജനങ്ങൾ മറന്നിടിലും
എന്താപത്തായാലുമെന്നാളിലും
എന്നെക്കരുതുവാൻ കൈത്താങ്ങലേകുവാൻ
എന്നും മതിയായവൻ

സർവ്വാംഗസുന്ദരൻ മാധുര്യവാൻ
നാവില്ലെനിക്കിന്നു വർണ്ണിക്കുവാൻ
നിത്യത പോരാ തൻ നിസ്തുല
സ്നേഹത്തി ന്നാഴമളന്നിടുവാൻ

ആശ്വാസമേ എനിക്കേറെ തിങ്ങീടുന്നു
ആശ്വാസ ഗാനങ്ങൾ പാടിടും ഞാൻ
Post Tagged with


Leave a Reply