ആശ്വാസമേകണെ നായകാ

ആശ്വാസമേകണേ നായകാ
ആശ്രിതർക്കാലംബ കർത്താവേ
അലകടൽ പോൽ ഇളകുമെൻ ഹൃദയത്തിൽ
ആനന്ദം നൽകീടുക ആശ്വാസമേകീടുക

ശത്രു തന്നുടെ തീയമ്പുകൾ
മാരിപോൽ എന്നെ ലക്ഷ്യമിടുമ്പോൾ
സർവ്വായുധവർഗ്ഗം ധരിച്ചീടുവാൻ
ശക്തി നൽകീടണമേ(2)

എല്ലാം പ്രതികൂലമായിടുമ്പോൾ
എല്ലാരുമെന്നെ കൈവിട്ടീടുമ്പോൾ
ഇയ്യോബിന്റെ ദൈവമേ നീ മാത്രം
ആശ്രയമുണ്ടല്ലോ എന്നുമെന്നും
ഈ ധരണിയിതിൽ(2)

നിൻ കയ്യിൽ ഏഴയെ ഏകിടുന്നു
നിൻ സേവ പാരിതിൽ ചെയ്തീടുവാൻ
പരിജ്ഞാനം സോളമനേകിയപോൽ
ഏകീടണേ നിൻ കൃപ
ഏഴയെന്നിൽ എൻ നാഥായിന്ന്(2)