ആത്മാവേ പരിശുദ്ധാത്മാവേ

ആത്മാവേ പരിശുദ്ധാത്മാവേ
വരികിന്നീ അടിയാരിൽ ദയവോടു നീ
സോദരിൽ പെന്തക്കൊസ്തിൻ നാളിൽ
ചന്തമോടിറങ്ങിയ ദൈവാത്മാവേ
ശക്തിയായ് വരണമേ ഞങ്ങളിലും
ആത്മശക്തിയാൽ നിറഞ്ഞീടുവാൻ

നമ്മുടെ പാപത്തിൻ മലിനത നീക്കി
നല്ലുണർവെങ്ങളിൽ നൽകീടേണം
വല്ലഭനെ കൃപ ചെയ്തിടേണം
നല്ല ആത്മാവിൽ നിറഞ്ഞീടുവാൻ

ഹൃദയക്കോണിലും നിറഞ്ഞിടണേ നീ
നോക്കണേ എന്നുടെ ജീവിതത്തിൽ നീ
ഉണർത്തിക്ക എന്റെ പാപങ്ങളെ
പ്രവൃർത്തിപ്പാൻ ദിവ്യ ശക്തിയും താ

തൃത്വത്തിൽ മൂന്നാമനായിടുന്ന നീ
ഞങ്ങളിന്നാശ്വാസപ്രദനാ-യോൻ നീ
ബലത്താൽ ഞങ്ങളെ ഉണർത്തീടുക
പകരുക പുതു ജീവനുള്ളിൽ

ക്രിസ്തുവിൽ വസിച്ചതാം ദൈവാത്മാവേ
കഷ്ടങ്ങളിൽ ഏറ്റം അടുത്ത സഖിയാം
ക്രിസ്തുവിൽ ശിഷ്യർക്കു നവബലമേ
അത്ഭുതങ്ങൾ ചെയ്വാൻ കൃപ തരണേ

കാര്യസ്ഥനെ ദിവ്യ കാവൽക്കാരാ നീ
വസിക്ക ഞങ്ങളിലുള്ളത്തിലെന്നും
സൂക്ഷിക്കണേ സ്വർഗ്ഗേ ചേരുവോളം
ദൈവസഭയെ ഈ ഭൂമിയിൽ നീ