ആത്മാവിൻ്റെ നിറവിൽ നടത്തുന്നോനെ

ആത്മാവിൻ്റെ നിറവിൽ നടത്തുന്നോനെ
ആത്മശക്തി എന്നിൽ പകരണമെ
ആത്മാവിലും സത്യത്തിലും ആരാധിപ്പാനായ്‌
അഭിഷേകം പകരേണമേ

ആരാധന അങ്ങേക്കാരാധന
ആരാധന ആമേൻ ആരാധന

കോട്ടകളെ ഇടിപ്പാൻ ശക്തിനൽകുന്ന
ദൈവകൃപ എന്നിൽ വ്യാപാരിക്കട്ടെ
സൈന്യത്താലല്ല ശക്തിയാലല്ല
ആത്മാവിൽ വ്യാപാരിക്കും കൃപയാലത്രേ;- ആരാധന…

തടസ്സമായ് യോർദ്ദാൻ മുമ്പിൽ വന്നാലും
പെട്ടകത്തിൻ ശക്തി വ്യാപാരിച്ചീടും
പിന്നിൽ വൻ സൈന്യം പിൻപറ്റിയാലും
എന്നിൽ വെളിപ്പെടുന്നൊരു ദൈവമുണ്ടല്ലോ;- ആരാധന…

എന്നിൽ വെളിപ്പെടുന്നൊരു ശക്തിയുണ്ടല്ലോ
നിശ്ചയം വിടുവിക്കും പ്രതികൂലത്തിൽ
കെടുത്തിടും ശക്തി തീയിൻബലത്തെ
സർവ്വശക്തൻ എന്റെ ബലമാണല്ലോ;- ആരാധന…