ആയിരങ്ങൾ ആഹാരമില്ലാതെ

ആയിരങ്ങൾ ആഹാരമില്ലാതെ
അനുദിനം അലഞ്ഞിടുമ്പോൾ
അങ്ങു നൽകിയ നന്മയ്ക്കു സ്തോത്രം
കോടാകോടി സ്തുതി മഹത്വം

യേശു തന്ന ദാനങ്ങൾ ഓരോന്നായ്
എണ്ണിയാൽ തീരുകില്ല
യോഗ്യതയെന്തുള്ളു നാഥാ ഈ
ഏഴയിൽ കാരുണ്യം തോന്നീടുവാൻ

ക്രൂശുചുമന്നെന്റെ യേശു പോയതാം
ആ പാത മതിയെനിക്ക്
ഈ പാരിലെൻ ജീവിതനാളുകൾ മുഴുവനും
ആശ്വാസം ആയീടുവാൻ

മാറുകയില്ല ഞാൻ പോകുകയില്ലെന്‍റെ
യേശുവിൻ പാത വിട്ട്
അന്ത്യം വരെയെന്റെ ജീവിതമേശുവിൽ
മാത്രം മതിയെനിക്ക്