അധിപതിയേ അങ്ങേസ്തുതിച്ചിടുന്നേൻ

അധിപതിയേ അങ്ങേസ്തുതിച്ചിടുന്നേൻ
അകംനിറഞ്ഞണമോദാലാർത്തിടുന്നേ
കർത്താവേ നീ ചെയ്ത നന്മകളെല്ലാം
നിത്യം നിത്യം ഞാൻ നിനച്ചീടുന്നേ

കർത്തനേ നിൻ കരുണകളോർത്തു പാടുന്നേ
നിത്യനേ നിൻ കൃപകളെ ധ്യാനിച്ചീടുന്നേ
എത്ര എത്ര സ്തുതിച്ചാലും പോരാ നിൻ സ്നേഹമ-
തെത്രയോ ആശ്ചര്യം എത്ര ബഹുലം… ആ

ആഴമായ കുഴിയിൽ നിന്നുയർത്തി എന്നെ
ഉറപ്പുള്ള കൻമലമേൽ നിറുത്തിചെമ്മേ
നിത്യവും പാടുവാനുത്തമഗീതങ്ങ-
ളെത്രയോ നാവിന്മേൽ പകർന്നതിനാൽ… ആ

പച്ചയായ പുൽപുറത്തു കിടത്തിടുന്നു…നിത്യം
സ്വഛമായ ജലത്തിലേക്കാനയിയ്ക്കുന്നു
എന്നെന്നും നേർവഴികാട്ടി നടത്തുന്ന
നല്ലോരിടയനാം യേശുനാഥാ… ആ

ആത്മശക്തിയാലെന്നുള്ളം നിറച്ചിടുന്നു-ഭൂവിൽ
സ്വർഗ്ഗസുഖം നിത്യമനുഭവിച്ചിടുന്നു
നിത്യമായ ഞരക്കത്താൽ ക്ഷീണിച്ചോരെന്നെ സം-
പുഷ്ടിയാനിഗ്രഹിച്ചുയർത്തിടുന്നു… ആ