അത്യുന്നതൻ്റെ മറവിങ്കൽ

അത്യുന്നതൻ്റെ മറവിങ്കൽ
സർവ്വ ശക്തന്റെ നിഴലിൻ കീഴിൽ
പാർക്കും ഞാൻ നിർഭയനായി
പാടും ഞാൻ സ്തുതി ഗീതങ്ങൾ

ആപത്തുകൾ രോഗങ്ങളും
നഷ്ടങ്ങളും എന്നെ ജയിക്കയില്ല
എൻ്റെ അദ്ധ്വാനഫലം ഞാൻ തന്നെ അനുഭവിക്കും
ഞാനും എന്റെ കുടുംബവുമോ
യേശുവെ ആരാധിക്കും
തൻ വചനം അനുസരിക്കും
മാതൃകയായ് ജീവിക്കും

യാത്രകളിൽ തൻ കാവലുണ്ട്
ആളും സഹായവും കരുതീട്ടുണ്ട്
ആയുസ്സും ആരോഗ്യവും
എൻ ദൈവം എനിക്കു തരും
ദൂതൻമാർ മുന്നമേ പോകുന്നു.
കാര്യം നടത്തി തരുന്നു.
എപ്പോഴും ദൈവം എൻ്റെ കൂടെയുണ്ട്
ഇതിൽപരം ഭാഗ്യമുണ്ടോ