എല്ലാ നാവും പാടി വാഴ്ത്തും

എല്ലാ നാവും പാടി വാഴ്ത്തും
ആരാധ്യനാം യേശുവേ
സ്തോത്രയാഗം അർപ്പിച്ചെന്നും
അങ്ങേ വാഴ്ത്തി സ്തുതിച്ചിടുന്നു (2)

യോഗ്യൻ നീ യേശുവേ
സ്തുതികൾക്ക് യോഗ്യൻ നീ
യോഗ്യൻ നീ യോഗ്യൻ നീ
ദൈവ കുഞ്ഞാടെ നീ യോഗ്യൻ

നിത്യമായി സ്നേഹിച്ചെന്നെ
തിരുനിണത്താൽ വീണ്ടെടുത്തു
ഉയിർത്തെന്നും ജീവിക്കുന്നു
മരണത്തെ ജയിച്ചവനെ (2)

സൗഖ്യദായകൻ എൻ യേശു
അടിപ്പിണരാൽ സൗഖ്യം നൽകി
ആശ്രയം നീ എന്‍റെ നാഥാ
എത്ര മാധുര്യം ജീവിതത്തിൽ (2)