എൻ ജീവിതം നിന്‍റെ ദാനം

എൻ ജീവിതം നിന്‍റെ ദാനം
എൻ നാളുകൾ നിന്‍റെ കൈയിൽ
ഒരു നിഴൽ പോലെ, ഒരു പുഷ്പം പോലെ
ക്ഷണികം എന്നായുഷ്കാലം

സ്തോത്രം സ്തോത്രമെൻ നാഥാ
എല്ലാ നിൻ ദാനങ്ങൾക്കായും
നന്ദി നന്ദിയെൻ പ്രിയാ
നീ ചെയ്ത നന്മകൾക്കായ്

തലമുറ തലമുറയായി
വിശ്വസ്തനാമെന്‍റെ നാഥാ
ഞാനവിശ്വസ്തനായ് തീർന്നിട്ടുമെന്നെ
കാത്തല്ലോ നിൻ പൊൻ കരത്താൽ;- സ്തോത്രം..

എന്നോട് കാര്യം തീർക്കും നാൾ
എൻ കൈകൾ ബലപ്പെട്ടിരിപ്പാൻ
വിശ്വസ്തനായി നിൻ സന്നിധേ നിൽക്കുവാൻ
തിരുകൃപയെന്നിൽ നിറയ്ക്ക;- സ്തോത്രം..