എൻ കൂടെയുണ്ടൊരുവൻ

എൻ കൂടെയുണ്ടൊരുവൻ
എൻ താങ്ങായി കൂടെയുണ്ട്
ജീവിതയാത്രയിൽ ഏകനായി തീർന്നാലും
മാറാത്ത നാഥൻ എന്നരികിലുണ്ട്

ഞാൻ വാഴ്ത്തുന്നു
നിൻ നാമം എന്നെന്നും
ഞാൻ പുകഴ്ത്തുന്നു
നിൻ മഹത്വം എന്നെന്നും

ദാഹജലം തേടുന്ന വേഴാമ്പൽ പോൽ
ഞാൻ ദാഹിച്ചു വരണ്ടു തേങ്ങിടുമ്പോൾ
ഞാനറിയാതെ എൻ കൂടെ വന്ന്
പോറ്റിയ നാഥൻ എൻ അരികിലുണ്ട്

അമ്മയെക്കാളെന്നെ സ്നേഹിക്കുന്നോൻ
കൈവിടുകയില്ലെന്നരുളിയവൻ
ഞാനറിയാതെ എൻ കൂടെ വന്ന്
കരം പിടിച്ച നാഥനെൻ കൂടെയുണ്ട്

ജീവിതത്തിൽ നാഥാ നീ മാത്രമാണെല്ലാം
സ്നേഹിക്കും നിന്നെ ഞാനന്ത്യം വരെ
ഞാനറിയുന്നു ഈ സ്നേഹബന്ധം
എൻ കൂടെ നിലനിൽക്കും അന്ത്യംവരെ