എൻ മനമേ നീ വീണ്ടും ശാന്തമായിരിക്ക

എൻ മനമേ നീ വീണ്ടും ശാന്തമായിരിക്ക(2)
അളവെന്യേ പകരുന്ന നന്മകളോർത്തു
പാടുക വീണ്ടും വീണ്ടും പാടുക

പ്രാണനെ മരണത്തിൻ ഭീതിയിൽ നിന്നും
കാലുകളെ വീഴ്ചയിൽ നിന്നും(2)
താങ്ങിയ സ്നേഹത്തിൻ പാലനമോർത്തു
വീണ്ടും വീണ്ടും പാടുക;- എൻ മനമേ…

കണ്ണിനെ കണ്ണീരിൻ താഴ്വര നിന്നും
കാത്തുവല്ലോ വൻ കൃപയിൽ(2)
രക്ഷയിൻ പാനപാത്രമുയർത്തി
വീണ്ടും വീണ്ടും പാടുക;- എൻ മനമേ…

സ്തോത്രഗാനത്തിൻ പല്ലവി എന്നും
നന്ദിയോടെ പാടിടുക(2)
രക്ഷയിൻ സന്ദേശവാഹകരായി
വീണ്ടും വീണ്ടും പാടുക;- എൻ മനമേ…