എനിക്കു നിൻ കൃപ മതിയേ പ്രിയനേ

എനിക്കു നിൻ കൃപ മതിയേ പ്രിയനേ
എനിക്കു നിൻ കൃപ മതിയേ (2)
ദുരിതം നിറയും മരുവിലെ വാസത്തിൽ
എനിക്കു നിൻ കൃപമതിയേ-പ്രിയനേ
എനിക്കു നിൻ കൃപ മതിയേ (2)

ഇണയില്ലാ കുറുപ്രാവുപോൽ
ഞരങ്ങുന്നു പ്രിയനെ ചേരുവാൻ
നാഥാവരുവാൻ താമസമെങ്കിൽ
വീഴാതെ നിർത്തേണമേ-എന്നെ
വീഴാതെ നിർത്തേണമേ;- എനിക്കു…

സിംഹത്തിൻ ഗുഹ എനിക്കേകിയാലും
അഗ്നിയിലെന്നെ വലിച്ചെറിഞ്ഞാലും
ഉള്ളം കലങ്ങും പ്രതിസന്ധികളിൽ
വീഴാതെ നിർത്തേണമേ-എന്നെ
വീഴാതെ നിർത്തേണമേ;- എനിക്കു…

ആശ്രയിപ്പാനൊരു ദേഹിയുമില്ല
ആശ്വസിപ്പാനൊരു ഇടവുമില്ല
ഒന്നേമാത്രം നിൻ ജീവമൊഴികൾ
മന്നിലെന്നാശ്വാസമായ് പ്രിയനേ
മന്നിലെന്നാശ്വാസമായ്;- എനിക്കു…