എനിക്കു വേറില്ലാശ ഒന്നുമെൻ പ്രിയനെ

എനിക്കു വേറില്ലാശ ഒന്നുമെൻ പ്രിയനെ
പൊന്നുമുഖം എന്നു കണ്ടുകൊള്ളും ദാസൻ

മനസ്സലിവോടു നിൻ കരുണകളോരോന്നും
എനിക്കു നീ നൽകുന്നതെന്തുമാസ്നേഹമേ

പരമപിതാവെ നിന്നരികിൽ വരാനെനി-
ക്കെത്രനാൾകൂടി നീ ദീർഘമാക്കീടുമോ?

എൻ കിരീടം വേറെ ആരും എടുക്കായ് വാൻ
നിൻ ഹിതംപോലെ ഞാൻ ഓടുമാറാകണം

നല്ലപോർ ചെയ്തെന്‍റെ വേല തികയ്ക്കുവാൻ
വല്ലഭനേ എന്നിൽ ശക്തി നീ നൽകണം

ഈ വനലോകത്തിൽ നീ എനിക്കാശ്രയം
ദൈവമേ നീ എനിക്കപ്പനും അമ്മയും

എൻ പ്രിയനെ എന്‍റെ കണ്ണുനീർ നിന്നുടെ
പൊന്നുകരം കൊണ്ടു എന്നു തുടച്ചീടും