എന്നെ അനുദിനം നടത്തുന്ന കർത്തനവൻ

എന്നെ അനുദിനം നടത്തുന്ന കർത്തനവൻ
എന്നെ കൃപയോടെ പാലിക്കും താതനവൻ
എൻ ആശ്വാസ ദായകനാം
എൻ വിശ്വാസ നായകനാം(2)

താണനിലം തേടുന്ന അരുവിപോലെ
ദാഹജലം തേടുന്ന വേഴാമ്പൽ പോലെ
ഞാൻ വലഞ്ഞിടും നാളുകളിൽ
എൻ തുണയായി അരികിലെത്തും;- എന്നെ…

ഇഹത്തിലെ ദുരിതങ്ങൾ പെരുകിടുമ്പോൾ
മനഃസുഖമെന്നിൽ കുറഞ്ഞിടുമ്പോൾ
ഞാൻ ഗതിയില്ലാതലഞ്ഞിടുമ്പോൾ
എൻ തുണയായി അരികിലെത്തും;- എന്നെ…

ആകൂല വ്യാധികൾ ഏറിടുമ്പോൾ
ദേഹവും ദേഹിയും തളർന്നിടുമ്പോൾ
ഞാൻ നിലയില്ലാതുഴന്നിടുമ്പോൾ
എൻ തുണയായി അരികിലെത്തും;- എന്നെ…