എന്നെ ശക്തനാക്കീടുന്നവൻ മൂലം

എന്നെ ശക്തനാക്കീടുന്നവൻ മൂലം
ഞാൻ എല്ലാറ്റിനും മതിയായോൻ
എന്‍റെ ബലഹീനതയിൽ തന്‍റെ
ബലമണിയിക്കുന്നവൻ യേശു മാത്രമല്ലോ

തന്‍റെ കൈകളിൽ കളിമണ്ണായ് ഇരിക്കുമ്പോൾ പോലും
ഞാൻ തിരുഹിതം വെടിഞ്ഞുപോയി
കൃപയാൽ കൃപയാലവൻ കരങ്ങളിലണച്ചെന്നെ
അഴകേകി മെനഞ്ഞിടുന്നു;- എന്നെ…

ഈ ലോകത്തിൻ തിരകളിൽ കരകാണാതുഴലുമ്പോൾ
കരം തരുമവൻ കരുതും
അഴലേറിടും മരുവിലും നാഥനെ സ്തുതിച്ചിടാൻ
ബലമേകി നടത്തിടുന്നു;- എന്നെ…

കരം കുഴയുമ്പോൾ പാദങ്ങൾ തളരുമ്പോളാഴത്തിൽ
മറയുവാൻ തുടങ്ങിടുമ്പോൾ
എന്‍റെ പാറയാം യേശു തൻ കരങ്ങളാലെന്നെ
വിടുവിച്ചു നടത്തിടുന്നു;- എന്നെ…