എന്നേശുവേ ആരാധ്യനേ അങ്ങേയ്ക്കായിരം

എന്നേശുവേ ആരാധ്യനേ
അങ്ങേയ്ക്കായിരമായിരം സ്തോത്രം
ആയിരമായിരം നന്ദി

ഇരുളേറിടുമെൻ ജീവിതപാതയിൽ
വിഘ്നമാം മലനിരകൾ എങ്കിലും
അനുദിനമെന്നെ കരുതിടും കാന്തനേ
എൻ ജീവപ്രകാശമേ;- എന്നേശുവേ…

കുറ്റബോധത്തിൻ കുത്തുകളേറ്റേറ്റു
തകർന്നതാം എന്നെ… മുറ്റുമായ്
കുറ്റമറ്റവനായ് തീർത്തതാം നാഥനെ
എൻ രക്ഷാദായകാ;- എന്നേശുവേ…

ഒരോരോ ദിനവും അവിടുന്നെനിക്കായ്
ദാനമയ് നൽകിയതാം കൃപകൾ
ഒരോന്നായ് ഒർക്കുമ്പോൾ എന്നുള്ളം നന്ദിയാൽ
നിറെഞ്ഞു തുളുമ്പുന്നേ;- എന്നേശുവേ…

രോഗ ബന്ധനത്തിൻ വേദനയാലേറ്റം
വ്യകുലപ്പെടും വേളയിൽ… എന്നെയും…
അൻപോടണച്ചു വിടുവിക്കും വല്ലഭാ
എൻ സൗഖ്യദായകാ;- എന്നേശുവേ…

ക്ഷയവും വാട്ടവും മാലിന്യമുള്ളതാം
മമ മൺമയ ശരീരം… മണ്ണായ്…
മറഞ്ഞാലും എന്നെ മഹത്വത്തിൽ കൈക്കൊള്ളും
ആത്മ-മണാളനേ;- എന്നേശുവേ…